Framúrskarandi fyrirtæki byggja rekstur sinn á sterkum stoðum og efla hag fjárfesta og hluthafa. Síðastliðin átta ár hefur Creditinfo unnið ítarlega greiningu á rekstri íslenskra fyrirtækja og birt lista yfir Framúrskarandi fyrirtæki.

Meginmarkmið greiningarinnar er að verðlauna þau fyrirtæki sem standa sig vel og stuðla að bættu viðskiptaumhverfi. Það er því eftirsóknarvert að komast á lista Framúrskarandi fyrirtækja og njóta þannig aukins trausts. Árið 2017 voru Framúrskarandi fyrirtæki 875 talsins eða 2,2% þeirra rúmlega 38.500 fyrirtækja sem skráð eru í fyrirtækjaskrá RSK.

Hvaða skilyrði þarf að uppfylla til að teljast Framúrskarandi fyrirtæki?

  • Fyrirtækið er í lánshæfisflokki 1-3
  • Ársreikningi skilað lögum samkvæmt fyrir 1. september
  • Fyrirtækið er virkt skv. skilgreiningu Creditinfo
  • Framkvæmdastjóri skráður í fyrirtækjaskrá RSK
  • Rekstrartekjur að lágmarki 50 milljónir króna 2017 (nýtt skilyrði)
  • Rekstrarhagnaður (EBIT > 0) síðustu þrjú rekstrarár
  • Jákvæð ársniðurstaða síðustu þrjú rekstrarár
  • Eiginfjárhlutfall hærra en 20% síðustu þrjú rekstrarár
  • Eignir yfir 100 milljónir króna 2017, 90 milljónir króna 2016 og 80 milljónir króna 2015 (breytt skilyrði)

Fyrirtæki sem hljóta útnefninguna Framúrskarandi fyrirtæki geta keypt vottunina og notað hana í markaðs- og kynningarefni sínu. Jafnframt má kaupa heildar-lista yfir Framúrskarandi fyrirtæki sem inniheldur allar grunnupplýsingar byggðar á ársreikningum.